ევექსის ქსელში შესაძლებელია გეგმიური და გადაუდებელი სრული კარდიოლოგიური და კარდიოქირურგიული მომსახურების მიღება. ამ მიმართულებით 24 საათის განმავლობაში პაციენტს შესაძლებლობა ეძლევა ჩაიტაროს სხვადასხვა დიაგნოსტიკური კვლევები კერძოდ ჰოლტერის მეთოდით (Mortara-ს აპარატი) და ტრედმილზე დატვირთვის ტესტი (Mortara-ს აპარატი)

ჩვენი კარდიოლოგიური მიმართულების წარმატების მთავარი მიზეზი მაღალკვალიფიციური პერსონალია, რომელთაც განათლება და ასევე პრაქტიკული გამოცდილება მიღებული აქვთ დასავლეთ ევროპის ქვეყნებში, ასევე ყოველწლიურად იღებენ მონაწილებას სხვადასხვა კონფერენციებსა და კონგრესებში.

ევექსის გულის ცენტრის კიდევ ერთ უპირატესობას წარმოადგენს მაღალი სტანდარტის სერვისის გეოგრაფიული ხელმისაწვდომობა თითქმის მთელი საქართველოს მასშტაბით რაც გულისხმოს სრული კარდიოლოგიური სერვისი მიწოდებას რეგიონების დონეზე.

კარდიოქირურგია

ევექსის ქსელში კარდიოქირურგიის მიმართულება ქვეყნის მასშტაბით ერთ-ერთ წარმატებულ მიმართულებად ითვლება, რაც მაღალკვალიფიციური პერსონალისა და უახლესი მატერიალურ ტექნიკური ბაზით არის განპირობებული. ქსელში ამ მიმართულებით წარმატებით ხორციელდება ისეთი კარდიოქირურგიული ოპერაციები, როგორიცაა:

• კორონარული შუნტირება
• სარქველზე ოპერაციები მათ შორის მინი ინვაზიური მიდგომით
• გულის თანდაყოლილი და შეძენილი მანკების ქირურგია
• გულისა და შუასაყრის სიმსივნეების ქირურგია
• აორტის ქირურგია
• ენდოვასკულარული ქირურგია
• პერიფერიული არტერიების ქირურგია
• ვენური სისტემის ქირურგია
• რითმის ქირურგია

სხვა ტექნოლოგიურ უპირატესობებთან, კარდიოქირურგიული ოპერაციების უსაფრთხოდ წარმოების მიზნით, საოპერაციო აღჭურვილია პერფუზიის აპარატი TERUMO1, ინტრაორტალური ბალონ პამპით, რაც ოპერაციების უსაფრთხოდ წარმართვის ერთერთი გარანტია. 

ინტერვენციული კარდიოლოგია

ევექსის ქსელის ინტერვენციული კარდიოლოგის მიმართულება საქართველოში ერთ ერთი საუკეთესოა, სადაც პაციენტს შესაძლებლობა ეძლევა მიიღოს მაღალკვალიფიციური, მტკიცებულებებზე დაფუძნებული და ხარისხიანი მომსახურება. ამ მიმართულებით მთელი საქართველოს მასშტაბით რეგიონების დონეზე ფუნქციონირებს უახლესი ტექნიკით აღჭურვილი კათეტერიზაციის ლაბორატორიები, რომელიც უზრუნველყოფს საერთაშორისო სტანდარტებთან შესაბამისი ინვაზიური დიაგნოსტიკური და ინტერვენციული პროცედურების ჩატარებას.
ქსელის მასშტაბით პაციენტებს შეუძლიათ მიიღონ კორონაროგრაფიის და კორონარული ანგიოპლასტიკის (როგორც სტანდარტული ასევე წამლით დაფარული სტენტით) სერვისი. ასევე აღსანიშნავია ფილტვის არტერიის თრომბოემბოლიის დიაგნოსტიკა და მკურნალობა რომლის მიღებაც უკვე პაციენტებს რეგიონების დონეზეც შეუძლიათ

ბავშვთა კარდიოქირურგია 

ბავშვთა სტაციონარული და ამბულატორიული კარდიოქირურგიული მომსახურება, ნებისმიერი სირთულის თანდაყოლილი მანკების დიაგნოსტირება და მკურნალობა თბილისის მ.იაშვილის სახელობის ბავშვთა ცენტრალურ საავადმყოფოში მაღალკვალიფიციური კადრებისა და თანამედროვე აპარატურის მეშვეობით ხორციელდება.

ჰოსპიტალის ბავშვთა კარდიოქირურგიულ დეპარტამენტს ურთიერთთანამშრომლობის მემორანდუმი აქვს გაფორმებული იტალიის წამყვან კლინიკა „ბამბინო გესუს“ („Bambino Gesu“) და ჩინეთის „ჰებეის ბავშვთა ჰოსპიტალის“ (Hebei Provincial Children's Hospital) კარდიოქირურგიულ დეპარტამენტებთან, რომლის ფარგლებშიც კლინიკის სამედიცინო პერსონალისთვის ტარდება ერთობლივი ტრენინგ-პროგრამები, ასევე ხორციელდება განსაკუთრებული სირთულის შემთხვევების ერთობლივი მართვა.

საავადმყოფოში 24 საათის განმავლობაში შესაძლებელია ფუნქციური დიაგნოსტიკის ჩატარება, მათ შორის:
• გულ-სისხლძარღვთა ექოსკოპიური კვლევა;
• გულ-სისხლძარღვთა კათეტერიზაცია და მასთან დაკავშირებული ინტერვენციული ჩარევები: ბალონური დილატაცია, გულის კამერებს შორის არსებული დეფექტების დახურვა, ღია არტერიული სადინრის დახურვა.
თანამედროვე სტანდარტებით აღჭურვილი საავადმყოფო შესაძლებლობას იძლევა 24/7-ზე რეჟიმში განხორციელდეს ისეთი მაღალტექნოლოგიური სამედიცინო მანიპულაციები, როგორებიცაა:
• გულის თანდაყოლილი პათოლოგიების ოპერაციები;
• პარკუჭთაშუა ძგიდის დეფექტის პლასტიკა;
• წინაგულთაშუა ძგიდის დეფექტის პლასტიკა;
• ფალოს ტეტრადის რადიკალური კორექცია;
• ატრიოვენტრიკულური არხის კორექცია;
• თანდაყოლილი კომბინირებული მანკების კორექცია;
• სარქვლის პლასტიკა (მიტრალური, აორტალური,სამკარედიანი სარქველი);
• აორტის რკალის პლასტიკა;
• გულის სიმსივნის (მიქსომა) ამოკვეთა;
• გულის სხვადასხვა ტრავმის ქირურგია;
• მინიინვაზიური ჩარევა − მინითორაკოტომია.