საოჯახო მედიცინის გადამზადების პროგრამის მოკლე მიმოხილვა
საოჯახო მედიცინის გადამზადების პროგრამა დიპლომის შემდგომი ინტენსიური სასწავლო პროგრამაა, რომელიც მიზნად ისახავს მომიჯნავე სპეციალობის ექიმების გადამზადებას ოჯახის ექიმებად. პროგრამა უზრუნველყოფს მონაწილეებისათვის საჭირო ცოდნისა და უნარების განვითარებას, რაც მათ საშუალებას მისცემს ეფექტურად განახორციელონ მაღალი ხარისხის სამედიცინო მომსახურების მიწოდება საოჯახო მედიცინის კონტექსტში.
პროგრამის მიზანია:
-
უზრუნველყოს საოჯახო მედიცინის ძირითადი პრინციპების, მათ შორის ჰოლისტიკური, უწყვეტი და პაციენტზე ორიენტირებული ზრუნვის სწავლება
-
ყველა ასაკობრივ ჯგუფში გავრცელებული მწვავე და ქრონიკული მდგომარეობის მართვის კომპეტენციის უზრუნველყოფა.
-
პრევენციაზე ორიენტირებული, ჯანმრთელობის ხელშეწყობისა და საზოგადოებრივ ჯანდაცვაზე ორიენტირებული პირველადი ჯანდაცვის უნარების გაძლიერება.
-
პირველადი ჯანდაცვის სისტემის ფუნქციონირების, ჯანდაცვის პოლიტიკისა და მენეჯმენტის საკითხებში კომპეტენციის ამაღლება.
სამიზნე აუდიტორია:
მომიჯნავე სპეციალობის ექიმები, რომელთაც სურთ ოჯახის ექიმებად გადამზადება
პროგრამის ძირითადი კომპონენტები
თანამედროვე სწავლის მეთოდებზე დაფუძნებული თეორიული მეცადინეობები მცირე ჯგუფებში, რომელიც მოიცავს:ქრონიკული დაავადებების მართვას, ფსიქიკური ჯანმრთელობის პრობლემების, პედიატრიის, გერიატრიის, ქალთა ჯანმრთელობის საკითხებს, მწვავე მდგომარეობების მართვას და ა.შ.
კომუნიკაციისა და კონსულტაციის უნიკალური უნარ-ჩვევები, უწყვეტი, პაციენტზე ორიენტირებულ მიდგომებით.
შეფასება და სერტიფიცირება:ოთხ ეტაპიანია და მოიცავს შემდეგ საფეხურებს:
(1) მსმენელის პროფესიული ცოდნის შეფასება ტესტური კითხვარის საშუალებით MCQ; (2) სიტუაციურ ამოცანებზე წერილობითი პასუხის გაცემა MEQ; (3) პროექტის პრეზენტაცია და (4) ზეპირი გამოცდა.
პროგრამის ხანგრძლივობა – 6-დან - 9 თვემდე. 940 აკადემიური საათი.
აქედან, 604 საათი დაეთმობა თეორიულ მეცადინეობებს მცირე ჯგუფებში, კლინიკურ პრაქტიკას მეთვალყურეობით - 336 საათი; და 96 საათი მულტიდისციპლინურ სწავლებას პრაქტიკოს ექთნებთან და მენეჯერებთან ერთად;
შედეგი:
კურსის გავლის შემდეგ მსმენელებს შეეძლებათ უზრუნველყონ საოჯახო მედიცინის პრინციპებზე დაფუძნებული უსაფრთხო, ეფექტური და ყოვლისმომცველი სამედიცინო მომსახურების მიწოდება.
პროგრამის შესახებ ინფორმაცია:
-
პროგრამის ხელმძღვანელი: მარინა შიხაშვილი
-
სწავლების ლოკაცია: თბილისი
-
აკრედიტირებული დაწესებულება: სს „ევექსი“
-
ადგილების რაოდენობა: 34
-
პროგრამის ხანგრძლივობა: 940 საათი (6 – 9 თვე)
-
კურსის ღირებულება: 3200 ლარი
კონკურსში მონაწილეობისათვის დაიშვებიან სახელმწიფო სერტიფიკატის მქონე პირები შემდეგ სპეციალობებში:
შინაგანი მედიცინა
ალერგოლოგია-იმუნოლოგია
კარდიოლოგია
გასტროენტეროლოგია
ენდოკრინოლოგია
ინფექციური სნეულებები
ფთიზიატრია-პულმონოლოგია
ფიზიკური მედიცინა, რეაბილიტაცია და სპორტის მედიცინა
ჰემატოლოგია/ტრანსფუზიოლოგია
რევმატოლოგია
ნეფროლოგია
კურორტოლოგია
დერმატოვენეროლოგია
ნევროლოგია
პედიატრია
ნეონატოლოგია
ბავშვთა ნევროლოგია
ბავშვთა კარდიოლოგია-რევმატოლოგი
ბავშვთა ალერგოლოგია-იმუნოლოგია
ბავშვთა გასტროენტეროლოგია
ბავშვთა ენდოკრინოლოგია
ბავშვთა ინფექციონისტი
ბავშვთა ნეფროლოგია
ბავშვთა ფთიზიატრია-პულმონოლოგია
ბავშვთა ჰემატოლოგია/ტრანსფუზიოლოგია
ბავშვთა გადაუდებელი დახმარება
ანესთეზიოლოგია და რეანიმატოლოგია
ბავშვთა ქირურგია
ზოგადი ქირურგია
პლასტიკური და რეკონსტრუქციული ქირურგია
სისხლძარღვთა ქირურგია
პროქტოლოგია
მეანობა-გინეკოლოგია
რეპროდუქტოლოგია
კარდიოქირურგია
ნეიროქირურგია
უროლოგია
ოტორინოლარინგოლოგია
ოფთალმოლოგია
ორთოპედია/ტრავმატოლოგია
გადაუდებელი მედიცინა
კლინიკური ტოქსიკოლოგია
კლინიკური ონკოლოგია
ზოგადი პროფილის ექიმი მკურნალი
ზოგადი პროფილის ექიმი პედიატრი
ზოგადი პროფილის სამხედრო ექიმი
აუცილებელი მოთხოვნები:
კანდიდატი სავალდებულოა იყოს სერტიფიცირებული ექიმი ზემოთ მითითებული სპეციალობებიდან ერთ-ერთში.
წარსადგენი აუცილებელი დოკუმენტაცია:
უმაღლესი განათლების დამადასტურებელი დიპლომი;
სახელმწიფო სერტიფიკატი;
სერტიფიკატით განსაზღვრულ სპეციალობაში 5 წლიანი საექიმო გამოცდილების დამადასტურებელი დოკუმენტი;
ავტობიოგრაფია/CV
პირადობის მოწმობის ასლი
მონაწილეთა შერჩევა მოხდება, მოთხოვნებთან შესაბამისობის დადგენისა და გასაუბრების საფუძველზე
მსურველებმა საჭირო დოკუმენტაცია, გთხოვთ გამოგზავნოთ learning@evex.ge
შეკითხვების არსებობის შემთხვევაში, დაგვიკავშირდეთ 0322 55 05 05