Health Coach ევექსის ინოვაციური პროდუქტია, რომელიც UKIHCA-სთან (United Kingdom International Health Coaching Association) კოლაბორაციით შეიქმნა.
ევექსის ქსელის 15-მა ოჯახის ექიმმა გაიარა 7-თვიანი ტრენინგ პროგრამა, რომელსაც მიღებული აქვს UKIHCA-ს საერთაშორისო სტანდარტებთან შესაბამისობის დასტური, მათ შეიძინეს დამატებითი კომპეტენციები და გახდნენ სერტიფიცირებული, პროფესიონალი Health Coach-ები.
Health Coaching არის მტკიცებულებებზე დაფუძნებული დისციპლინა. მისი მთავარი ამოცანა ჰოლისტური მიდგომით ადამიანის სრული ჯანმრთელობის მხარდაჭერაა. ოჯახის ექიმი/Health Coach ინდივიდუალური საჭიროებების გათვალისწინებით, ეხმარება პაციენტს ჯანმრთელობასთან დაკავშირებული მიზნების დასახვასა და მიღწევაში.
აღნიშნულიმიდგომა პაციენტის სრულ კეთილდღეობაზე ზრუნვას მოიცავს, რაც ითვალისწინებს ისეთ ფიზიკურ, კოგნიტურ, ემოციურ თუ სოციალურ ასპექტებს, რომლებიც ხელს უწყობს ადამიანის ცხოვრების ხარისხის გაუმჯობესებას. Health Coaching აერთიანებს, როგორც ქოუჩინგის კომპეტენციებს, ასევე ცხოვრების წესის მედიცინის რეკომენდაციებს.
ხანგრძლივი თანამშრომლობის პროცესში, ოჯახის ექიმი/ Health Coach პაციენტს ეხმარება ჯანსაღი ცხოვრების წესის შექმნაში. ინდივიდის განათლებითა და ცნობიერების ამაღლებით კი ეტაპობრივად ხდება სასურველი ქცევებისა და ჩვევების ჩამოყალიბება. პაციენტი ექიმისგან იღებს რეგულარულ უკუკავშირსა და მხარდაჭერას, რაც უზრუნველყოფს მდგრადი, დადებითი შედეგების მიღწევას.